പാലക്കാട്: കോൺഗ്രസ് നേതാവ് രാഹുൽഗാന്ധി പങ്കെടുക്കുന്ന പൊതുപരിപാടിയുടെ പശ്ചാത്തലത്തിൽ നഗരത്തിൽ ഗതാഗത നിയന്ത്രണങ്ങൾ ഏർപ്പെടുത്തിയതായി പോലീസ് അറിയിച്ചു.
ഇന്നു വൈകുന്നേരം നാലുമുതൽ പരിപാടി അവസാനിക്കുന്നതു വരെ വാഹന ഗതാഗതത്തിനു നിയന്ത്രണമുണ്ടാകും.
കുഴൽമന്ദം ഭാഗത്തുനിന്നു വരുന്ന പ്രൈവറ്റ് ബസുകൾ ദേശീയപാത ചന്ദ്രനഗർവഴി സ്റ്റേഡിയം സ്റ്റാൻഡിലെത്തണം. കെഎസ്ആർടിസി ബസുകൾ കണ്ണന്നൂർ തിരുനെല്ലായ് തങ്കം ജംഗ്ഷനിലൂടെ യാക്കരയെത്തി സ്റ്റാൻഡിലെത്തണം.
ഒറ്റപ്പാലം ഭാഗത്തുനിന്നും വരുന്ന ബസുകൾ മേപ്പറന്പ് പേഴുംകര വഴി ചുണ്ണാന്പുത്തറ താരേക്കാട് വഴി സ്റ്റാൻഡുകളിലെത്തണം.
ഒലവക്കോട് ഭാഗത്തുനിന്നു വരുന്ന ബസുകൾ ബൈപാസ് കൽമണ്ഡപം വഴി ദേശീയപാതയിലൂടെ യാക്കരയെത്തി കെഎസ്ആർടിസി സ്റ്റാൻഡിലെത്തണം. പ്രൈവറ്റ് ബസുകൾ വിക്ടോറിയ കോളജ്- താരേക്കാട് വഴി മുനിസിപ്പൽ- സ്റ്റേഡിയം സ്റ്റാൻഡുകളിലെത്തണം.